Цагаан сар ба нулимс

Хар нулимс биш нулимс гэж бичсэнийг анзаарсан байхаа. Юу гэвэл өнөөдөр цагаан сарын шинийн нэгэн. Дэлхий даяар таран суугаа Монгол түмний дорнын тооллын эхэн өдөр, өвлийг өнөтэй давсны баярын өдөр билээ. Гээд сэтгэл гэгэлзүүлдэг сайхан баяраар гэртээ биш ажил дээрээ суугаа хүний хувьд ар гэрийнхээ санах юм аа.

Гэтэл өөрийн нутагт байгаа би ингэж санагалзаж байхад хүний газар олон жил болсон Монгол түмэн маань аав ээжээ, нутаг усаа хэрхэн санадагийг үгээр хэлэх амар биш биз.

Нэтээс Лхагвасүрэн гуайн Ээжийнхээ ачийг яалаа даа гэдэг дууг Чимэдцэеэ гуайн дуулснаар хайж байгаад дараах бичлэгийг олов.

Хүний газар, гүний хошуунд нутгаа, аав ээжээ санана гэдэг хэцүү биз ээ. Ээжийнхээ ачийг яалаа даа гэж дуулахдаа уйлан байгаа энэ бүсгүй ээжийгээ, эх нутгаа санаа бизээ, Өөрөө ч тэгж тайлбарлаж байна лээ.  Үг аялгуу гэдэг хүний сэтгэлийн утсыг хөндөж чаддаг, эрчилж чаддаг, тасдаж чаддаг агуу зүйл юм даа.

Ааваа ээжтэйгээ, гэр бүлтэйгээ, элэг саднаараа хамт байхын учрын сайхныг энэ баяраар мэдрэх юм даа. Сар шинэдээ сайхан шинэлээрэй.

Бууд

Сүүл бичиж байснаа үргэлжлүүлэх өдөр өнөөдөр тул товч хэдэн зүйл бичьюү гэж бодлоо.

Бидний анх хэвлэлтээс ирж байгаа цомгийн нэр НҮҮДЭЛ. Зарим хүмүүс биднийг шүүмжилдэг л дээ. Гадаад нэртэй юм байж юун эх орон яриад юун соёл зан заншил яриад байгаа юм гэж. Хүн бүр өөрийн гэсэн туршлага, амьдралын үзэлтэй байдаг билээ. Хүн бүрийн туулж өнгөрүүлсэн зам, туулж өнгөрүүлэх жим өөр бөгөөд харах өнцөг өөр. Аяганы тал усыг тал дүүрэн ч гэж хэлж болно, дундуур ч гэж хэлж болно. Яг л үүн шиг юм.

Клик клик бүүм гэж буунаас гарах авиа, Гэвч үүний цаад утгыг өгүүлбэл Цэнэглэ, цэнэглэ тэгээд бууд. Юуг цэнэглэх юм гэж гайхаж байна уу? Мэдээж ТАРХИ -аа цэнэглэх хэрэгтэй.

Чи өнөөдөр энэ МОНГОЛ гэдэг тусгаар тогтносон улсын эрх чөлөөт иргэн. Чиний энэ газар шороон дээр, хөх тэнгэрийн дор төрсний учир, өчүүхэн хариу тус гэвэл Чи өөрийгөө олоод, өөрийнхөө чаддаг зүйлийг л сайн хийх юм. Чиний уусан ус, амьсгалсан агаар, чамд эрдэм заасан багшийн, нөхөрлөлийн үнэ цэнийг мэдрүүлсэн найзын, хатуу үг хэлсэн ч цаанаа хайрлах аавын, шөнө олон сэрж хөхүүлсэн ээжийн хариу тус гэвэл чи өөрийнхөө авсан бүгдийг арай ахиухан болгоод л хариу өгөх юм. Үүний тулд л тархиа цэнэглэх хэрэгтэй юм дүү минь.

Юу нь зөв юу нь буруу вэ гэдгийг ялгаж салгаж чаддаг ирээдүй бидэнд хэрэгтэй байна. Тэрнээс биш Солонгос хамтлагийн хөдөлсөн үйлдэл, гаргасан авиаг дуурайгчин сармагчин хэрэггүй. Хүний хийсэн аян дээр, хүний хэлсэн санаан дээр ажилладаг бэлэн хоол иддэг празит өт хэрэггүй. Нөлөөллөөс дээгүүрт гэж өөрөө хэлсэн ч улс төрийн сонгуулийн нөлөөлөл дор байгаа  хэдэн залуусын санал авах гэсэн жүжигчин хэрэггүй. Чиний хүсэж байгаа оргил, чиний хүрэх гэж байгаа мөрөөдлийг халхлах мөнгөний сүүдэр бидэнд хэрэггүй. Үүний тулд л тархиа цэнэглэх хэрэгтэй юм дүү минь, үе чацуутан минь бас ах нар минь.

Тархиа цэнэглэ, цэнэглэ тэгээд бууд.

Казиног номхтгох

Амьдрал бол казино. Казино бол амьдрал. Амьдрал өөрөө мөрийтэй тоглоом аж. Зориг, ухаан, тэвчээр, зөн билэг бүгдийг цогцлоож байж хожил чинийх болно. 500 доллартай хүн түүнийгээ 10 20-р тавих, 200, 300 -р тавих асар их ялгаатай гэж. Зоригтой хүнийг хожил дагана. Зорилготой хүнийг амжилт дагана.

Өдөрт зарлах хуудас тарааж олох 50 доллар, түүнээ амьдралдаа хэрхэн хүргэх, хоол унд, байрны мөнгө, хүүхдийн дэвтэр харандаа үзэг баллуур. Өчүүхэн үнэ бүхий зүйлийг сонсоод л эрүүнд нь хүртэл үрчлээ суух. Өдөр бүр ажиллах. Зорилготой юм шиг боловч зорилгогүй амьдрал. Өнөөдөртөө хүрэлцэх хэдэн төгрөг л олох гэж зүтгээд л байна зүтгээд л байна. Гэвч цаашдын амьдралаа төсөөлөхөд түнэр харанхуй нөмрөх мэт болно.

Зохиолчын хэлсэнчлэн: Зорилгогүй хүмүүс зөндөө олон ажээ. Тэд амьдралын урсгалд нэгэн салан дээр овооролдон урсгал даган хөвөрч байхад зорилготой нэг нь моторт завин дээр суугаад урсгал сөрвөл сөрөөд, уруудвал уруудаад хүссэн зүгтээ хүрэх аж. Түүнд тухайн хүний хувь төөрөг нь арван алтан халбага зууж төрсөн байна уу, ганц модон халбага зууж төрсөн байна уу гэдэг нь урд насны буян заяа, энэ насны хичээл зүтгэлээс хамаарах юмсанж.

Зохиолчын зүүд энэ зохиолын үйл явдлыг хөтөлж тайлал болох аж. Хэчнээн барууны нийгэмд амьдраад байгаа мэт боловч сүнсэн бие нь эх нутагтаа төрөлх орондоо суунам. Гээд өчүүхэн оршлыг төсгөе. Ер нь нэг уншаад өнгөрөх ном биш бололтой.

Зохиолчийн блог дахь бичлэг

ЖИЧ: Өнөө цагт яригддаг олон асуудлуудын талаар ч дурьдах биш гарцыг нь хэлж өгсөн сайхан ном санагдлаа. Уншсан хүн анзаарах байх аа.

Сүүлийн үед 2

Хүмүүс технологиос хэт хамааралтай болсоор байгаа билээ. Блогийн эриний хүч суларч, микроблог, сошиал сайтууд хүчээ авсан үе байна. Үүний дараа юуны эрин ирэхийг хэлж мэдэхгүй юм. Гэвч хүн гэдэг амьтан хуучнаа санагалздаг гээд хааяа энэ муу ганц уншигчтай (Тэр нь би өөрөө юм) блогтоо бичлэг оруулюу гэж бодлоо.

CCB -н гишүүний хуьд шинэ цомог гарах гэж байгааг (өөртөө) дуулгахад таатай байнам.
Бидний анх танилцаж, нэгдэж байсан үе аль хэдийн дурсамж болсон байна. Юуны төлөө бид нэгдсэн, юуны төлөө энэ бүгдийг хийсэн билээ гэж бодох үе бас байна. (Үнэндээ бол миний хийсэн зүйл тун бага).

Бид хэн нэгэн улс төрчийг магтаж энэ хүнийг сонго гэж дуулж байсангүй. Зарим хүмүүсийг ТӨЛӨӨ гээд дуулж байхад БИТГИЙ УУЧЛААРАЙ гэж дуулж байсан. Зарим хүмүүсийн БӨӨН БАЯР, гэснээ шал эсрэгээр ХОНХНЫ ДУУ дуулж байхад бид МОНГОЛЫН ТҮҮХ дуулж байсан. Зарим хүмүүсийг АРДЧИЛСАН ЕРӨНХИЙЛӨГЧТЭЙ хамт дуу дуулж байхад бид ЭМГЭНЭЛ дуулж байсан. Гээд ярьвал олон жишээ байна.

Саяхан нэгэн хипхоп хамтлаг Улаанбаатартаа үнэтэй цэнгээний газар зангиа&хослол гэдэг тоглолт хийсэн байсан. Улам бүр холдон байгаа нийгмийн ялгааны сүүдэр бидний амьдрал, хэвшил, харьцаа, урлагт хүртэл туссаар байна.


Юу хэлэх гээд тойруулаад байна вэ гэвэл бид хувцас хунар, машин тэрэг, гял цал зүйлсийг дуулдаггүй.Бид үзэл санаа, бодит байдлыг дуулдаг. Дуулдаг ч гэж дээ үглэдэг. Үгэн шанаа өгдөг. Тэр шанааг зөвөөр тусгаж авдаг хүмүүс хэд байдгийг хэлж мэдэхгүй юм. Байгаа бол бидний нэгдэн нийлсний хэрэг тэр биз ээ.  Гээд хэрэв бидний хийж байгаа зүйлийг хэлбэр гэж ойлгодог хүмүүс байгаа бол биднийг сонсдоггүй юм байна, биднийг зүгээр л хардаг юм байна гэж хэлмээр байна.


Анх нэгдсэнээс хойш бидний үнэт зүйл өөрчлөгдсөнгүй. Яг л хэвээрээ. Нас нэмж, амьдралыг үзэх үзэл өөрчлөгдөж, олон олон зүйлсийг шинээр таньж мэдэж, зарим зүйлсийг хаяж гээж байгаа ч бидний үнэт зүйл өөрчлөгдөөгүй хэвээр байна.

Тэр юу вэ гэж үү?

Бидний 2 дахь албан ёсны цомог, 1 дэх хэвлэлтэнд явах цомогноос тэр юу вэ гэдгийг сонсож, мэдрээрэй л гэж хэлье дээ.

Сүүлийн үед

За Энэ Анне Франк гэдэг охины тэмдэглэлийг уншсан чинь блогтоо салхи оруулмаар санагдав. Андройд утастай хүний хувьд Aldiko программар хэд гурван ном уншив.

• Роберт Грийн - Эрх мэдлийн 48 хууль
• Дармын Батбаяр - Цахилж яваа гөрөөс
• Сэнгийн Эрдэнэ - Хойд насандаа учирна
• Донровын Намдаг - Цаг төрийн үймээн
• О. Генри - Өгүүллэгүүд
• Анне Франк - Залуу охины өдрийн тэмдэглэл
• Жорж Орвелл - 1984

Иймэрхүү л хэдэн ном уншиж дээ. Ер нь бага залуудаа л хэд гурван ном уншиж байхгүй бол хойно унших тусмаа л өмнө нь уншиж байх минь яалаа гэж бодох юм. Хөгширч дээ гэсэн. 50-н тал ч бас их тоо шүү.

Дахиад сайхан байнаа

T.Tuvshinbayar (27.123.214.*)

10 минутын өмнө

Tiimee, olon tumnii dund uneheer ulger duurailal bolson zaluu, daruu tuluv baisan, Tsagaanaa shig ongiroogui, humuus azaar alt avsan gej baihad yum yariagui dotroo l bodoj yavsan, er hunii dotor emeel hazaartai mori bagtana gej ene, aduutai notsoldoj ussun hiimorlog mongol zaluu,

1

0

(80.217.74.*)

10 минутын өмнө

bi uilaj bna mongol huneer baharhaj bna chi bol taivan tsagiin mongol baatar chinii aguu amjiltiig mongol uls ard tumen chini martahgui haan chingisiin udam hamag mongol delhiig jargaltaigaar baildan daguulna bayrlalaa duu mini

0

0

mongol (182.160.12.*)

10 минутын өмнө

shn bna shuu mongolchuudaa

4-н жилийн өмнө айдаст автсан Монголыг чи эвлэрүүлж, нэгэн гэр бүл, нэгэн ах дүүс, нэгэн үндэстэн, нэгэн улс гэж ямар байдгийг харуулж байсан. Одоо чи өөрийгөө хэн гэдгээ харууллаа. Бахархахгүй байхын арга алгаа. Энэ мөнгөн медаль ч гэлээ, алтаас ялгаа алгаа.
4н жилийн өмнө ингэж бичиж байж Үнэхээр сайхан байна. Яг үүн шиг л байна.
Дэндүү сайхан үлгэр дууриал юм даа.

Алсад суугаа ээж

Энд нэг ийм коммент байна.

The boy of the photo is not the boy who is singing. The Chinese Communist Party forced the TV producers to replace the singing voice for a political reason. That's why there are people who dislike this clip.

yowatta in reply to leon13HO (Show the comment) 3 months ago

Харин энд нэг ийм бичлэг байна.

Түрүү жил Алсад суугаа ээж гэсэн дууг Хятадын телевизээр Уудам нэртэй хүү дуулсан нь олон хүний сэтгэлийн утсыг хөндсөн хэрэг болсон. Учир нь тэр дууг дуулсан хүү өнчин хүү байсан учраас олон хүн дуунд нь уярсан. Бас өрөвдсөн
Гэвч Уудам хүүгийн дуулдаг тэр хоолой, тэр понограм, 2010 онд дуулсан Энхбаялаг гэдэг хүүгийнхтэй дэндүү адилхан байгааг сайн сонсвол азаарна. Арай чанга хоолойтой байна гэж зарим нь хэлж магад. Студид дуулах, задгай танхимд дуулах хоёр өөр л дөө.

Хэрэв дээрх комментийн бичсэн үнэн бол Уудам хүүгийн дуулж олон хүнийг уяруулсан нь санамсаргүй хэрэг биш юм. Өв соёл, түүх, олдворуудыг маань мөнгөөр хаман авсаар байгаа урд хөршийн маань Soft Power (Зөөлөн хүч ) байж болох талтай. Хэрэв үгүй бол яагаад Уудам хүү  дахин дуулуулахад дөнгөж сая дуулсан дууныхаа үгийг нь буруу дуулж байв.

Soft Power биш ч байсан үгүй ч байсан Алсад суугаа ээж гэдэг Монгол зохиогчтой Монгол дууг Mother in Dream нэртэйгээр англиар дуулсан байна. Мөн Вьетнамаар дуулсныг нь ч сонслоо. Урлаг соёл гэдэг хүчтэй зэвсэг юм даа.

Утсан дээр байгаа дуунууд нэг иймэрхүү

1. Норовбанзад – Гоолингоо
2. Лхагвасүрэн – Морин хуур
3. Elvis Presley – Love me tender
4. Норовбанзад – Баян Монгол
5. Click Click Boom – Үнэн чи хаана байна?
6. Норовбанзад – Тунгалаг Тамир
7. Норовбанзад – Гандан уулын цэцэг
8. Click Click Boom - Монголын түүх
9. Норовбанзад – Алсын газрын зэрэглээ
10. Норовбанзад – Жаахан шарга
11. Норовбанзад – Алтан богдын шил
12. Харанга – Манан
13. Монголын түүх (inst)
14. Монгол улс мандтугай (inst)
15. Норовбанзад – Уяхан Замба тивийн нар
16. Edith Piaf – Padam padam
17. Frank Sinatra – My way
18. Харанга – Бүсгүйн заяа
19. Hans Zimmer – Time (Inception)
20. Elvis Presley – In the Ghetto
21. Hans Zimmer – Spider Pig
22. Edith Piaf – La Vie Rose
23. Харанга – Бороо

 Минийх нэг ийм байна. Харин хүмүүсийнх ямар байдаг бол

Амайгийн Гайхамшигт ертөнц

Цагаан сараар амралтын өдөр олон тохиолдож ном унших өлзий бүрэлдсэн тул уншаагүй байсан номоо барьж авав. Урьд өмнө нь ганц нэг өгүүллийг нь уншиж байснаас бүтнээр уншиж байгаагүй билээ.
Дутуу дулимаг мэдээлэл дээр аливаа зүйлсийг дүгнэх нь том алдаа байдаг. Би өмнө нь Транс, бийтбокс, элдэв паарти, тэгээд мэдээж аялал Амай гэдэг хүнийг тодорхойлох тодорхойлолт болоход хангалттай гэж бодож байсан нь мөн алдаа байж.
Энэ номыг уншаад Кольюгийн Алхимич санаанд орж, санаандаа харьцуулалт хийснийгээ нуух юун.
Нуршилгүйгээр санаанд тод үлдсэн байгаа санааг сийрүүлбэл:

1. Хүн гэж хүн юм. Нэгэн дэлхий дээр амьд үлдэхийн төлөө хоол тэжээл, агаар ус, орон байрны төлөө тэмцэх хар, шар, цагаан бид ялгаагүй хүн.

2. Аливаа учрал хувь бүхэн хүнээс өөрөөс хамаарах атал, хүнд зөн совин, өмнө хийсэн үйл эргээд нөлөөлдөгийг эртний нүүдэлчдийн ухаан ажиж мэдсэн байнам.

3. Хүн мэдэхгүй зүйлээсээ айдаг буюу айдас үгүй болох нь түүнийг мэдэх мэдрэх,түүнд соргог байх, дасах явц.

4. Бид кино жүжиг, утга зохиол, хэвлэл мэдээллийн хэрэгсэл, мэдээ сэлтээс хорвоо ертөнцийн байр байдал, үйлдлийг танин мэдэх байтал хүн өөрөө өөрийгөө сонсож, өөрөө өөртэйгээ ярьдаг нь хэд билээ. Өөрийгөө таньсан нь хэд билээ. Өөрийгөө таньж байж бусдыг таних.

5. Өвөг дээдсийн үлдээсэн өв, ухаан, соёлыг хир хэмжээндээ хүндэтгэн холбоотой аливаа номс буюу хууч байвал сонсохыг эрмэлзэгч над мэт нэгэн юм байна гэдгийг танив. Бид хэдий харийн соёлын нөлөө, даяаршил мэт соёлын мананд төөрч байгаа ч эцэг өвгөдийн үлдээсэн хосгүй баян өв сантай тулдаа тэр мананд өөрийгөө алдалгүй, өөрийнхөө онцлогийг авч үлдэж байгаа билээ.

6. Монгол улс дотроо хэн байгаад, гаднаасаа хэн байх нь биднээс шалтгаална. Хэрэв хамхуул адил хийсээд байвал үнэ хүндгүй болох нь мэдээж юм. Улс харилцаа талаасаа.

7. Хөгжлийн нууцийг амьдралын идэвхи гэж тодорхойлсон байна.

Дээрхээс гадна энэ номонд хүн хүндээ хандах хандлага, харьцаа цаашлаад нийгэм, эдийн засаг, соёлын асуудлууд тавигдсан байх юм. Хэр чинээндээ ойлгоход шүү дээ.
Энэ олон улсуудаар зовж явсны, тэгээд тэмдэглэл хөтөлж бидэнд өгөх гээд байгаа санааг ойлгохдоо харь орны алдаа оноон дээрээс өөрсдийн сайн муу болох болохгүйг танин мэдүүлэх хүсэл, хаашаа бид явах вэ? явахдаа юуг авч явах, юуг үлдээх вэ гэдгийг таниулах хүслэн байсан гэж ойлгоном.
Дараагийн ботийг уншаад илүү ихийг ойлгох бизээ.

Backing

Бичиж байсан зүйлс маань чамлалттай санагдаж байсан учраас блогоо хаагаад нилээн удлаа. Харин өнөөдөр хандах эрхийг өөрчлөв. http://gunjiin-nulims.blogspot.com блогоос болов

Конрад Зайц ХЯТАД

Ном 5 бүлэгтэй.
1. Төгс иргэншил буюу Эртний Хятад
Хятад орон усан флотыг Англичуудаас түрүүлэн хөгжүүлж, Энэтхэг, Араб, Африкт элчээ илгээж сүрийг хэрхэн мандуулж байсан тухай. Европ тив хуучны шашны хүлээсэнд баригдсан байхдаа шинэчлэлийн зорих зүгийг хятадаар төсөөл байсан тухай. Мөн хамгийн харгис бөгөөд анх хятадыг нэгтгэсэн Цин улсын Хуандин тухай, Күнз гүн ухаан Хууль цаазыг сахигсдыг хэрхэн дийлсэн тухай, 1 удаа л Хятад улс Умрын Монголчуудад эзлэгдсан тухай энэ бүлэгт багтсан байна. ЖэнХэн далайн аян.

2. Эртний Хятадын задрал буюу Манж улсын доройтол /1793-1949/
Хятад улс гадаадуудад хаалгаа нээхгүй хэмээн шийдсэн ба Харийнхан хүчээр Хятадын эрэгт буудалласан нь. Хар тамхины дайн 1,2. Тайпангийн бослого.Нэй Луан-Вай Хуан. Худалдааны алдагдал, Шинэ цагийн өмнө толгой гудайна. Сэргэх гэсэн оролдлогууд. Японд ялагдав. Иргэний дайнууд. Дайчид. Эрх мэдлийн төлөө өрсөлдөөн. Сүн ба түүний баз. Хятад 2 хуваагдав.

3. Табула Раса буюу Маогийн эрин
Тэмцэл, ялалт, алдар нэр, тахин шүтэлт, буруу эргэлт, их үсрэлт, өлсгөлөн, түр амсхийлт, эргэж ирэв, соёлын хувьсгал, хэлмэгдүүлэлт, өшөөтнөө дарах,зожигрол, зөнөлт, үхэл. Марксист Ленинист онолыг Хятадын уламжлалт соёлтой холбожээ. Маоистууд олноор бий болж байна.

4. Орчин үеийн Хятад улс төрсөн нь буюу Дэн Улсаа хөгжилд чиглүүлсэн нь
Социализм + Чөлөөт эдийн засаг. Барууныхан яагаад чөлөөд Эдийн засгийн онолыг л магтаад байдгыг нь ойлгохгүй юм. Магадгүй хамгийн дэвшилтэт сайн нь байх. Гэвч их хямралын үеэр Жорж Сорос хүртгэл үл үзэгдэгч гарын онолыг төгс бус гэдгийг хүлээн зөвшөөрсөн юм. Зуун жилийн ганцаардал дээр Аркадиогийн гэрт олон хүн өөрсдийн дураар орж гарч байдаг. Тэр үед эмгэн Урсула Харийнхийг тэднийд байгаа нь бас өөрсдий нь оршин байх нөхцөл юм гэдгийг хэлдэг. Тэр мэт Дэн гадаадынханд хаалгаа нээснээр Хятад орны хүн ардыг ажилтай болгов. Мөн Үйлдвэрийг менежерт, Хөдөөд хувьд нь жижиг үйлдвэрий нь эзэмшүүлэх болсноор, Хөрөнгө оруулалт гадаадаас татаж чадсны ачаар, Чөлөөт бүс байгуулсны үрээр Шэнжэн Фучоү мэтийн Хуулбар хот, Шанхай мэтийн орчин үеийн хот бий болж хямд ажиллах хүчний далай хятадын ардууд ажилтай хоолтой болсон талаар бичжээ.
Үүний хажуугаар эрх мэдлийн төвлөрлийг нэг хүнд байсныг болиулж тараасан ч, эрх мэдлийн төвлөрлийг хэвээр нь байлгаж диктатур/хатуу гарын /засаглалыг хэвээр нь байлгаж удирдлагыг шуурхай болгов. Тяньмэний талбайд болсон хэрэг нь үүний гэрч болно. Дэний Өмнийн аялал надад гүн сэтгэгдэл төрүүлэв. Хийж эхлүүлсэн зүйлээ дуусгах эр зориг тэвчээр энэ метр хагас хүрэхтэй гүйтэй хүнд байсныг бодохоор бахархав. Тэр хүчит гүрэн болох замыг улсдаа засаж өгсөн явдал нь түүний хойч үедээ үлдээсэн асар том өв. Үхлээ хүлээн хэвтэхдээ ч тэр залгамжлагчдаа тус хүргэсэн байнам. Азийн орнууд диктатурын үрээр л хөгжил дэвшилд хүрч. Япон, 4 бар. Тэдний араас Луу явж байна. Миний тэмдэглэл бичиж байгаа энэ цаг үед Хятад Америктай өрсөлдэх хэмжээнд очжээ. Тэдний хооронд валютын дайн болж эхлээд 10 сар болсон байна.

5. Ирээдүйг зорьсон бартаат аян буюу 1990-2002
Дэний эдийн засгийн их үсрэлтийн төгсгөл болсон ч дараагийн удирдагчид гадаадын том концернуудыг улсдаа татаж чадав. Глобалчлал outsourcing, offshore-н ялангуяа энэ үйлдвэрүүдийг дахин байршуулах ажлыг хятадад төвлөрүүлжээ. Үүний үрээр хятад дэлхийн хамгийн том үйлдвэрлэгч орон болжээ. Мужуудад байгаа үйлдвэрүүдийн өрсөлдөөний дүнд үйлдвэрүүдийнх нь өрсөлдөх чадвар нэмэгдсэн байна. Төрийн дэмжлэгтэйгээр стратегийн чиглэлт компаниудыг дэлхийн тавцанд гаргаж ирж байна. Шинэ технологид хурдан суралцаж байна. Тайван ХонКонгоос суралцав. Цахилгаан холбоо, Компьютер, Уул уурхай, Эрчим хүч, Төмөрлөгийн үйлдвэр, Хими, биотехнологид эрчээ авав. Австрали Канадад уурхай эзэмших болж байна. Эх газрын хятадуудаас гадна далайн чанадын Хятадууд энэ орныг хөгжүүлж байна.

Төсөөлөл

Төсөөл дөө, Ямар ч диваажин байхгүй гээд
Ядах юмгүй чи оролдвол
Бидний дор там гэж байхгүй
Бидний дээр тэнгэр л гэж бий

Төсөөл, Бүх хүн төрөлхтөн өнөөдрөөр л амьдарна гээд

Төсөөл дөө, Тэнд улс гэж байхгүй
Тийм хэцүү биш ээ ийм байх
Үхэх үрэгдэх, алах устгах
Шалтгаан байхгүй, Шашин ч бас байхгүй

Төсөөл, Хүн бүр тайван дэлхийд амьдарна гээд

Магад чи намайг мөрөөдөгч гэх байх
Мөрөөддөг нь гагц би биш юм гэхдээ
Хэзээ нэгэн өдөр чи бидэнтэй нэгдэнэ
Дэлхий ч бас нэгэн бүхэл болно гэдэгт би итгэнэм

Төсөөл дөө, Өмчирхөл эзэмшил байхгүй гээд
Би гайхнa байх, чамайг чадчихвал
Өлсөглөн, шунал аль нь ч хэрэггүй
Үнэнч нөхөрлөл, ах дүүгийн ёс

Төсөөл, Бүх хүн дэлхийг эрх тэгш эзэмшинэ гээд

Магад чи намайг мөрөөдөгч гэх байх
Мөрөөддөг нь гагц би биш юм гэхдээ
Хэзээ нэгэн өдөр чи бидэнтэй нэгдэнэ
Дэлхий ч бас нэгэн бүхэл болно гэдэгт би итгэнэм

Арга билэг 2010-7-1

Мастер Маргарита хоёр

Аз жаргал гэж юу вэ?

Чөтгөрт сүнсээ худалдан байж хайртай хүнтэйгээ хамт байх боломжийг олох, аль эсвэл дутагдах гачигдах юу ч үгүй байж илүү харж билүү долоож, албан тушаалаа ашиглаж мөнгө завшин жорлонгийнхоо араар нуух уу? Ямар үед хүн яавал аз жаргалтай байх вэ.

Шударга үнэн гэгч нь юу юм? Тэр нь хаана байгаа юм тэгээд?

Үнэний эрэлд гарсан залуу зохиолч байгаа нийгмээ, байгаа орчноо бичсэнийхээ төлөө элдэв янзын редакторуудад хавчигдан сэтгэл мэдрэлийн эмнэлэгт хэвтэнэ. Харин үнэнийг булшилсан эрхэм эрх мэдэлт зохиолчдын хорооны даргаранцарууд тусгай байранд, тусгай үйлчилгээг тусгайлсан хөтөлбөрийн дагуу авна.

Бидний амьдран буй энэ ертөнц өөрөө там ба диваажин билээ. Бид л энэ насандаа нэг бол зовж нэг бол жаргаж эцэст нь шороо болох тавилантай. Бид өөрсдөө хүсэл шунал, атаа жөтөө, хорон санаагаар байгаа орчноо утаж тамын муухай өмхийг бий болгодог. Тэр өмхий нь тэгээд нэгээс нөгөөд халдан, уур бухимдал дүүрэн нийгмийг бий болгодог ажгуу. Хүн гэдэг амьтан өчүүхэн зүйл юм. Бид өнөөдрөөс маргааш хүрэх замд идэхийн тулд амьдарна. Зорилго хүсэл найдвар үгүй цагт энэ ийм чигээрээ л байсаар байна. Эрх мэдэл, эд хөрөнгө, гоо үзэсгэлэн, авьяас билэг бүгд цаг зуурынх.


Ер нь Бурхан/Есүс/ цагаан хувцастай, шар сахалтай байх ёстой юм уу,
Тэгвэл Воланд хэн юм? Тэр гадаадын профессор /манайхны адил гадаадын харшилтай байсан бололтой/ , бугийн эзэн дээдэс Москвад ямар хүмүүсийг шийтгээ вэ?

Хэрэв энэ бүх болохгүй байгаа зүйлсийг цэвэрлэхээр хэн нэгэн, эсвэл ямар нэгэн зүйл хаа нэгтэйгээс ирвэл юу болж, тэр зүйл юуг хийх бол оо? Булгаков зохиолчдоо хамт юу хийхийг нь үзэхийг зөвлөе.
Cenimaurum
Weatherman
Asuult
Wiki

Хагас Бүтэн

Хагас сэрүүн, хагас унтаа
Хагас амьд, хагас үхлүүт
Дутуу зорилго, дундуур тэмүүлэл
Дуусгаагүй эхлэл, дулимаг үр дүн

Бардам ам, шалдан гуя
Буруу чиглэл, богино бодол
Бүрхэг ирээдүй, бүүдгэр төсөөлөл
Даруу биш дорой зан.

Хөөрүү мөрөөдөл, хоосон биелэл
Гэнэн сэтгэл, гутранги үзэл
Хүүхэд нас, хүн чанар
Гунигт автах, ганцаардалд умбах.

Бүтэн сэрүүн, бүрэн зорилго
Дүүрэн итгэл, давах тэвчээр
Дутууг дуусгах зорилт
Дундуурыг дүүргэх хүсэл

Амьд гэдгээ мэдэр.
Ахуй орчноосоо бүү тасар
Зорилгоо ол замаа гэрэлтүүл
Зүрхээ чангал замдаа гар.

Хал үз, хашир суу
Хүн шиг амьдар
Хийж бүтээ.
Хожим сайнаар дурсагдах юм үлдээ.

Сэтгэлд байна

Тэнгэрийн од ба тэргүүлэгч цэцэг

Тэргүүлэгч цэцэг болоосой гэж од доошоо тонгойном
Тэнгэрийн од болоосой гээд цэцэг дээшээ өндийнөм
Тэр хоёр гэвч бараа бараагаа харалцнам
Тэнгэрийнх нь тэнгэртээ, газрынх нь газартаа.Халаг гэж!

Р.Чойном

who

Монте Кристо гэдэг зохиолыг уншихыг хүсээд жил өнгөрч. Өнөөдөр л дууслаа. Энэ хооронд өөр ном ч бас уншаад амжиж... Нислэг гэнээ? Нислэг биш ээ. Тэр бол хүрэх цэг. Боломж амар хялбар олддоггүйтэй адил аз жаргал зовлонг үзээгүй хүнд үл амтагдана. Болж өнгөрч байгаа зүйлс дэндүү хурдан юм. Би хаа хүрэх, бас хаанаас эхлэв, хаана явна? Маргааш л үзье дээ...

Panz-> God is dead

Амьдрал гэдэг бидний бүтээл энэ бол диваажин там
Адгуусан араншин бурханлаг чанар зэрэг орших жам
Эхийн хэвлийгээс унаад удаагүй зүйл л хүн
Энэ хорвоогийн тоостой хутгалдаагүй байсан даан ч өмнө
Хүн гэдэг нь юу вэ?
Хэн гэдэг нь чи гэдгээ мартатлаа самуурах бид өөрсдөө хумхын тоос төдий
Гэвч бидний дотор бий. Бид өөрсдөө бурхан
Зам зуурхан зүйлд хууртан тамыг бүтээнэ өөрийн урланд
Нигүүлсэнгүй сайн сайхныг бүхнийг эхлүүлсэн үед
Бидний бурхан ирнэ
Тэр цагт дутах дутахгүйн зөрлөг хэрэггүй
Бид л бурхнаа үргэлж алсан
Өвчин зовлон өнөө маргаашийн юм бүхэнд шаналсан
Үүнээс салаад хаа очихоо үл мэдэх сүнс
Үүнийг дөтөөр
Өөрийгөө таньж мэдвэл өчих зүйл өчиггүй
Шүүлтийн өдөр

Үйлийн үр

Буруу зүйлийн буртаг ном уншуулаад арилчих уу
Бурханы номыг арван мянгаар ламтан арилжив уу
Санаатай болон санамсаргүй хийсэн зүйлс
Саар муу сайхан сэтгэлээр үйлдсэн үйлс
Араасаа хариу дагуулах шийдтэй тэгшитгэл /үйлийн үр/
Авах өгхийн цагт хийсэндээ гэмшиглэх /нүгэлт хүн/
Хүүр давслах газар, Мангаа Доогийн зүүд
Аль эсвэл амар амгалангийн үүд